Ufank September 2023 gouf ech ganz onerwaart vun der DKMS an Däitschland kontaktéiert, déi mir gesot hunn, dass ech fir eng Stammzellespend a Fro géif kommen. Onerwaart dowéinst, well ech mech viru Joren an Däitschland spontan registréiert hunn an duerno net méi vill doru geduecht hunn. Ma et war direkt e flott an opreegend Gefill, d’Méiglechkeet kënnen ze hunn, engem Mënsch eventuell ze hëllefen. No engem laange Gespréich iwwer Telefon war dunn alles esou wäit gekläert, ma et huet bis an den Dezember era gedauert, bis déi nächst Schrëtt ënnerholl konnte ginn. Dozou huet eng detailléiert Bluttanalys gehéiert, déi – well d’DKMS hir Standuerter an Däitschland huet – zu Lëtzebuerg an engem Labo gemaach gouf an déi du vu mir an en däitsche Laboratoire geschéckt gouf. Dobäi waren d’Mataarbechter ëmmer drëms beméit, fir den Opwand fir mech als Spender esou kleng wéi méiglech ze halen. An et ass genee dat, wat sech wéi e roude Fuedem duerch déi ganz Prozedur an esouguer och nach no der Spend gezunn huet: als Spender gëtt een zu kengem Moment ënner Drock gesat an et gëtt sech immens gutt ëm ee gekëmmert. Esou gëtt een z.B. am Virfeld eng Kéier komplett duerchgecheckt an et fënnt en déifgräifend Gespréich mam Dokter awer och mat der eegener Referenzpersoun statt. Och no der Spend gëtt et e Suivi, mat deem d’Gesondheet vum Spender iwwerwaacht gëtt. Ech hat d’Chance, dass ech fir eng sougenannte peripher Stammzellspend a Fro komm sinn, d.h. d’Stammzelle ginn aus dem Blutt gefiltert. Alles wat dofir néideg ass, ass wärend de 5 Deeg virun der Spend zweemol den Dag e Medikament ze sprëtzen, dat d’Produktioun vu Stammzellen ureegt. Dat ganzt hat, op d’mannst a mengem Fall, nëmme minimal Niewewierkungen, op déi een am Virfeld higewise gëtt an déi mech zu kengem Moment ageschränkt hunn. Duerno goung et dunn an d’Clinique an Däitschland, wou ech nach emol vun engem Dokter duerchgecheckt gouf, ier an e bësse méi wéi 4 Stonnen d’Spend schonn eriwwer war. Wärenddeem an och duerno war ech duerch d’Personal déi ganzen Zäit ënner Opsiicht an et gouf sech permanent ëm mech gekëmmert. Am Resumé: esou eng Spend ass mat engem relative klengen Opwand fir de Spender verbonnen. D’Organisatioun an d’Charge ginn iwwerholl an et gëtt ee wierklech wéi e réit Ee behandelt. Zu Momenter hat ech bal e schlecht Gewëssen, dass sech esou intensiv ëm mech gekëmmert gëtt, wärend déi Persoun, fir déi d’Spend geduecht ass, ëm hiert Liewe muss kämpfen. Trotzdeem bleift Gefill engem Mënsch (an deem heite Fall e Mann a mengem Alter aus Australien) kënnen an esou enger Situatioun ze hëllefen, och wann dorun natierlech nach ganz vill aner Leit, wéi d’Associatiounen, déi dëst erméiglechen, dat medezinescht Personal a vill anerer, bedeelegt sinn.

Mäin Numm ass Micha an ech sinn 30 Joer al. Virun ongeféier 6 Joer hunn ech mech Online bei der Stefan Morsch Stëftung als Stammzellespender registréiere gelooss. Dat war mir perséinlech ganz wichteg, well nëmme wa vill Léit registréiert si ka villen Mënsche Weltwäit gehollef ginn. Leschten November krut ech dann den Uruff, dass ech potenziell mat enger Persoun iwwereneen stemmen. No enger weiderer Bluttanalyse koum 2 Deeg viru Chrëschtdag d’ Nouvelle dass ech passen an et gouf de 26 Februar als Dag festgeluecht wou ech meng Spend maache sollt. No enger weiderer grousser Kontroll wou ee komplett duerchgecheckt gëtt war et dann och esou weit. Ech hu meng Spend ouni Problem mat e bësse Réck Wei konnten ofginn an domat engem Här knapp iwwer 60 aus dem Kanada hëllefen. Dat huet mech nach emol méi gefreet, well mäi Papp och an dem Alter ass. Ech géif jidderengem un d’ Häerz leen sech als Spender ze registréieren an domat engem Mënsch villäicht d’ Liewen ze retten.

Ech sinn d' Joëlle (22). Ech hu mech mat 16 Joer um Haupeschtfest zu Berduerf beim Plooschter Projet registréiert. Um Fest war déi éischte Kéier wou ech mam Thema Stammzellespender a Kontakt komm sinn. Een 2023 krut ech du ugeruff, dass ech méiglecherweis als potenziell Spenderin a Fro kommen. Doropshin hunn ech eng Bluttanalyse gemaach a misst dunn a eng Virënnersichung an Däitschland goen. Ech krut am Virgespréich de ganze Prozess am Detail erkläert, hei gouf eng Stammzellenentnahm aus dem Knachemuerch empfuelen. Bei dëser Variante geet ënnert enger Vollnarkose Stammzellen direkt aus dem Knachemuerch geholl. Wouduerch een 2-3 Deeg am Spidol ass. Ufank vum Joer war et du sou weit a et komm zu der Spende. No dem klengen Ergraff war mir bëssen dronke a ech hunn zwee kleng Stéch am Beckenknachen gespuert. Awer dat huet net laang ugehalen a ech war rëm séier op de Been. Wärend dem ganze Prozess sief et bei den Telefonsgespréicher, Virënnersichung oder och am Entnahmezentrum hunn ech mech ëmmer gutt opgeholl gefillt. Wei ech du rëm doheem a Lëtzebuerg war krut ech vun der Stefan-Morsch-Stiftung ugeruff. A dësem Gespréich hunn ech erfuer, dass et sech beim Empfänger em ee Kleinkind aus Kanada handelt. Et huet fir mech keng Roll gespillt em wien et sech handelt, well all Mënsch verdéngt huet gehollef ze kréien . Mee ech muss awer soen, dass et mech scho mat geholl huet, dass et sech em ee Kand handelt, well ech selwer all Dag mat Kanner zesumme schaffen. Mir gouf einfach nach eng Kéier bewosst, wei wichteg et ass ze hëllefen. Net jiddereen huet Privileeg, gesond ze sinn. Awer all gesonde Mënsch huet d' Méiglechkeet , een Deel bäizedroen a ze hëllefen. Ech empfeele jiddereng den Méiglechkeet huet sech ze registréieren. Et ass net schwéier a et schued engem selwer net. Et gi genau Ënnersichunge gemaach em sécher ze sinn, dass een seng eege Gesondheet mat der Spend net a Gefor bréngt. A och wann een Angscht huet, kann ech just soen, dass dat Gefill een Deel dovun ze sinn engem anere Mënsch méiglecherweis d' Liewe gerett ze hunn, méi stäerk wei alles aneres ass.

Mäin Numm ass Marc Ernster, an ech hunn 41 Joer. Kuerz viru mengem 40. Gebuertsdag hunn ech mech online op plooschterprojet.com registréiert. Ongeféier e Joer dono gouf ech kontaktéiert a krut gesot dass ech fir eng Stammzellespend a Fro kommen. Ech hunn net laang iwwerluecht an direkt zougestëmmt. No engem komplette Gesondheets-Check konnt ech dunn den 22. Abrëll 2024 meng Stammzellen iwwert de Bluttwee spenden. Dat ganzt ass problemlos ofgelaf, huet weder wéigedoen, nach gréisser Niewewierkunge mat sech bruecht, an een Dag dono kont ech scho rem gemittlech lafe goen. Ech konnt esou engem Mann aus Spuenien d’Méiglechkeet ginn, weider ze liewen, an dat mat engem minimalen Opwand mengersäits. Registréiert och dir iech, wëll et gëtt engem e gutt Gefill, e Liewen ze retten.

Mäin Numm ass Serafini Kevin an ech hunn 31 Joer.
Am November 2021 hunn ech mech op engem Stand vum Plooschter Projet op de Winterfeelings zu Suessem als potenzielle Stammzellespender registréiere gelooss.
De 5. Abrëll 2023 krut ech ugeruff a gouf gefrot, ob ech nach intresséiert wier fir meng Stammzellen ze spenden fir eng u Leukemie erkrankte Persoun.
Ech hunn direkt agewëllegt.
De 25. Abrëll wor et da souwäit. Ech hunn iwwert de Bluttwee meng Zelle gespent! Déi Prozedur huet och guer net wéigedoen.
Well ëmmer rëm Spender gesicht a gebraucht ginn, ass et immens wichteg, datt sech ëmmer nees Leit dozou motivéiert kréien sech anzeschreiwen.
Ech si stolz drop, datt eng u Leukemie erkrankte Persoun d’Chance huet weiderzeliewen. Et handelt sech ëm eng 40 Joer al Madamm aus Argentinien.
Maacht et ewéi ech, loosst iech regsistréieren a rett esou vläicht e Liewen!

Main Numm ass Karin an ech hunn 38 Joër. Virun 2 Meint gouf ech fir d’aller eischt opreiert… Ech krut Stammzellen vum Beckenkamm geholl fir enger leukämiekranker Patientin ze spenden. Ech hat mech den 17 Juli 2018 um Zolwermuart beim Stand vum Plooschter Projet registreieren geloss an gouf op den Dag selwer dat Joër drop ugeruff fir weider Tester ze maachen. Et huet sech rausgestallt datt ech den perfekten Spender wär fir eng Amerikanesch Patientin. D’Chance, sain geneteschen Zwilling ze fannen leit ongefeier bei 1 zu 1 Milloun. Ech hat dei Eier, enger Dame aus den USA meng Stammzellen ze spenden. An et deet absolut NET weih. Dat Gefill, enger Persoun mat puer Stammzellen d’Liewen retten ze kënnen, ass onbezuelbar. Duerfir losst iesch registreieren, dir schenkt vlait iergendengem op deser Welt eng 2.Chance an virun allem d’Hoffnung ob en gesond Liewen.

Ech hun mech 2018 bei enger Aktioun vum Plooschter Projet bei mir an der Schoul als Stammzellenspender anschreiwen geloos, mam Gedanken dass ech souwisou net geruf wäert gin. Am Oktober 2019 krut ech dann op eemol den Unruf, dass ech villeicht als Spender an Fro kommen geif. Mat engem Zidderen am ganzen Kierper krut ech dann gesoot dass et awer keint sin dass et villeicht en aaneren Spender geif gin deen mam Patient besser iwwerteneen stemmen geif an sie mir geifen Bescheed soen. Rem mam Gedanken, dass ech souwisou net geruf gin an no enger Blutanalys, hun ech dann op den entscheedenden Unruf gewart. Am November ass deen dann och komm, mat der Noricht dass ech deen passenden Spender wier. Dono ass alles zimlech seier gangen..Ufank Dezember sin ech dann op Birkenfeld gefuer, wou ech nach eng Keier alles ganz genau erklärt krut, sie hun nach eng keier Tester gema, ech misst Froenbéi ausfellen an enerschreiwen dass ech et wierklech wel. Ouni ze zögeren hun ech dem zougewellegt, well ech neicht ze verleieren haat. Den 11. Dezember war dann och schon meng Spend, ech misst just een Dag do bleiwen, während 5 Stonnen well et domat duer gangen ass. Ech krut d‘Meiglechkeet enger Fra vun 30 Joer aus den USA d‘Liewen ze retten. Doweinst kann ech irch nemmen bieden dat selwecht ze machen, irch registreieren ze lossen, an enger aanerer Persoun iergendwou op der Welt d‘Chance ze gin weider ze liewen an Zeit mat hieren Leiwsten ze verbrengen.

Ech posten net oft eppes an wann dann ass et wéi och 98% vun den Léit eng zimmlech onbedeitend Foto aus der Vakanz déi een onbedéngt jidderengem well mat deelen well een dat einfach als flott ugeséit. Ech hunn mech haut decidéiert eppes vill méi Wichteges ze deelen an puer Wieder dozou ze soen wat dat ganzt fir mech bedeit. Ech hat haut d’Éier engem Mënschen déi lescht Chance ze ginn fir em séin Liewen ze kämpfen. Fir ganz genau ze sinn, hunn ech virun 2 Méint, dem 6 Oktober e Uruff kritt, den mir matgedeelt huet dass ech eventuell fir eng Stammzellespend géing a fro komm. Wou den gudden Här mir dat um Telefon erzielt huet, hat ech ganz vergiess dass ech mech virun ongeféier 10 Joer als Stammzellespender enregistréieren gelooss hat. Natierlech hunn ech mech direkt hannert den Computer gesat fir weider Recherchen iwwert dat ganzt ze maachen. Den Moment denkt een sech näischt Grousses dobäi well een dovun iwwerzeegt ass dass Probabilitéit esou winzeg ass an dass een souwisou net a Fro kennt. Dat nennt een dann wuel Falsch geduecht, éier ech mech komplett konnt mat dem Thema auserneen setzen hunn se mir no villen Bluttanalysen an medezineschen komplett check dann den 6 November op méin Aarbechtshandy ugeruff fir mir ze soen dat ech Fit genuch an och komplett Kompatibel sinn mat enger Persoun déi am Moment em séin Liewen kämpft an fir déi ech seng lescht Chance sinn. Um Telefon selwer sinn ech nach emol gefrot ginn op ech mat der Spend averstanen sinn an ech konnt mir keng aner äntwert wéi JO DEFINITIV virstellen. Schnell hellt d’Angscht een awer bëssi an, an et fänkt een un sech Gedanken ze maachen an sech Froen ze stellen. Ech géing Léien wann net och bëssi Zwéifel dobai gewiercht wier. Mee keng vun den Ängschten sinn esou grouss gewiescht dass ech jeemools an Erwänung gezunn hätt et net ze maachen. Leider hunn mir all schonn vill ze vill Mënschen un déi schlëmm Krankheet verluer an et ass esou e klengen Opwand fir enger aner Persoun villäicht en néit Liewen ze schenken. Ech hat haut d’éier enger Damm mett 50 an den USA ze hëllefen. Dofir w.e.g loosst iech enregistréieren an villäicht sidd dir deen, dem engem aneren kann en néit Liewen erméiglechen!!! ?

Ech sinn d’ Cristiana an ech well dem Plooschter Projet Merci soen dass se emmer Werbung maachen fir dass d’Leit sech registréieren, well et ass duerch esou eng Werbung dass ech dëst Joer décidéiert hunn mech ze registréieren a konnt dann haut engem Här vun 65 Joer an der Schweiz hëllefen. Esou ee Gefill ass onbezuelbar! Villmools Merci Ech si säit Februar/März als Stammzellenspender registréiert an Enn Mee krut ech schonn ugeruff dass e Leukämiepatient mat mir kompatibel ass. D’Spende sollt schonn am September si mee de Patient krut eng Entzündung an dofir misst et verréckelt ginn. Mir haten eng kompatibilitéit vun 100%! D’Spend war zu Birkenfeld. Ech misst 2 Deeg goen (1 Mol 5 Stonnen an 1 Mol 3 Stonnen) well den Här méi wéi ech geweit huet an dofir ass den éischten Dag net duer gaang.

> Méi Informatioune fënns du hei

Was wäre das Leben ohne Hoffnung? Seit genau heute vor 3 Monaten hoffe ich um das Leben eines 4-jährigen Mädchens aus Brasilien. Wir sind nicht verwandt und doch sind wir es irgendwie. Vor einer ganzen Weile hatte ich mich als Knochenmarkspender registriert. Dieses Jahr wurde ich dann kontaktiert, dass meine Blutwerte eventuell passen würden. Nach weiteren Untersuchungen stellte sich dann heraus, dass es sogar perfekt passen würde und ich wurde gefragt, ob ich mich bereit erklären würde für den Patienten Knochenmark zu spenden. Für mich war die Antwort direkt klar.

A l‘âge de 37 ans, lors d‘une action pour un petit garçon atteint de leucémie, je me suis inscrite comme donneuse de cellules souches. Cinq ans plus tard, j‘ai eu la grande chance de pouvoir faire le don à Birkenfeld, pour une patiente atteinte de leucémie. Quelques heures de ma vie pour aider une jeune patiente, qui est maintenant guérie et mène une vie normale. N‘hésitez pas, faites-vous enregistrer comme donneur de cellules souches. C’est un geste qui sauve des vies.

Wann een sech bei der DKMS an d‘Datebank andreiht a gesot kritt wei kleng dat d‘Chance ass fir engem aneren kënnen ze hëllefen da rechent een natierlech net domat fir schonns annerhalleft Joer duerno a Fro ze kommen fir seng Stammzellen däerfen ze spenden.

> kompletten Bericht lesen

Mellt eech als Stammzellenspender. Chance fir gerouf ze gin leit bei 2%. Ech han mech letzt Joer beim Laboratoire Ketter Thill aagemellt. Am März 2015 gouf ech bei der Stefan Morch Steftung an Weltweit Datenbank agedroen. …

> kompletten Bericht lesen

Virun e puer Joer haat ech mech, am Kader vun enger Mobiliseierungsaktioun vum Plooschter Projet an der DKMS, spontan als potentielle Stammzellspender registréiere gelooss. Ech hunn mer geduecht: et deet net wéi, et kascht näicht, et ass schnell gemaach, an enner Emstänn kann een engem schwéier kranken Mensch eng Chance op en neit Liewen ginn. …

> kompletten Bericht lesen